భారత అంతరిక్ష పరిశోధన సంస్థలో పనిచేయాలనుకునే వారికి శుభవార్త. కేరళ రాష్ట్రం తిరువనంతపురంలోని ‘విక్రమ్ సారాభాయ్ స్పేస్ సెంటర్’ (వీఎస్‌ఎస్‌సీ) 2023-24 సంవత్సరానికి టెక్నీషియన్/ గ్రాడ్యుయేట్ అప్రెంటిస్ పోస్టుల భర్తీ కోసం నోటిఫికేషన్ విడుదల చేసింది. భారత అంతరిక్ష పరిశోధన సంస్థలో పనిచేయాలని ఆశించే అభ్యర్థులు ఈ పోస్టులకు అప్లై చేసుకోవచ్చు.
అప్రెంటీస్ ప్రాతిపధికన ఈ పోస్టుల నియామకం వుంటుంది. మెకానికల్ ఇంజినీరింగ్, ఎలక్ట్రానిక్స్ ఇంజినీరింగ్, మెటలర్జీ, హోటల్ మేనేజ్‌మెంట్/ క్యాటరింగ్ టెక్నాలజీ, కమర్షియల్ ప్రాక్టీస్ మొదలైన విభాగాల్లోని మొత్తం 99 పోస్టులకు ఈ నియామకం చేపట్టనున్నారు. అందులో గ్రాడ్యుయేట్ అప్రెంటిస్ – 50 పోస్టులు, టెక్నీషియన్ అప్రెంటిస్ – 49 పోస్టులు వున్నాయి.
అభ్యర్థులు సంబంధిత విభాగంలో ఇంజినీరింగ్ డిప్లొమా, బ్యాచిలర్స్ డిగ్రీలో క్వాలిఫై అయ్యుండాలి. 2024 ఏప్రిల్ 30 నాటికి గ్రాడ్యుయేట్ అప్రెంటిస్‌లకు 28 ఏళ్లు, టెక్నీషియన్ అప్రెంటిస్‌లకు 30 ఏళ్లు మించి ఉండకూడదు.
గ్రాడ్యుయేట్ అప్రెంటిస్‌కు నెలకు రూ.9000 స్టైపెండ్, టెక్నీషియన్ అప్రెంటిస్‌లకు నెలకు రూ.8000 స్టైపెండ్ అందిస్తారు. ఎంపిక ప్రక్రియ డిప్లొమా లేదా డిగ్రీలో సాధించిన మార్కులు + రూల్‌ ఆఫ్‌ రిజర్వేషన్ఆ ధారంగా అభ్యర్థులను అప్రెంటీస్ పోస్టులకు ఎంపిక చేస్తారు. సెలక్షన్‌ డ్రైవ్ తేదీ 2024 మే 08 వుంటుంది.
